ලෝක සමාජවාදී වෙබ් අඩවිය

 

ශී‍්‍ර ලංකාවේ සසප වතු කම්කරු සම්මේලනයක් පවත්වයි

Sri Lanka: SEP holds plantation workers’ congress

By W.A. Sunil, 25 May 2012

සමාජවාදී සමානතා පක්ෂය හා සමාජ සමානතාවය සඳහා ජාත්‍යන්තර ශිෂ්‍යයෝ මැයි 20 හැටන් හි දී සාර්ථක වතු කම්කරු සම්මේලනයක් පැවැත්වීය. මෙම එක් දින සම්මේලනයට නුවර-එලිය හා බදුල්ල දිස්ත‍්‍රික්කවලින් කම්කරුවන් දුසිම් ගනනක් ඇතුලූව, යාපනය, නුවර හා කොලඹින් තරුනයෝ සහ ශිෂ්‍යයෝ සහභාගී වුහ.

සම්මේලනයට පෙරාතුව සසප, සසජාශි සහ සසප ආධාර කරුවන් විසින් වතුකම්කරුවන් අතර සති කිහිපයක බලගතු උද්ඝෝෂනයක් ගෙන යන ලදී. "ශ‍්‍රී ලංකාවේ සසප වතු කම්කරු සම්මේලනයක් කැඳවුම් කරයි” යන සසප ප‍්‍රකාශයේ පිටපත් දහස් ගනනක් හා ලෝක සමාජවාදී වෙබ් අඩවියේ වෙනත් ලිපි ප‍්‍රදේශයේ කම්කරුවන් අතර බෙදා හරිනු ලැබීය.

සසප සාමාජික ඒ. සාන්තකුමාර් විසින් සමමේලනයේ මුලසුන හෙබවූ අතර සසප දේශපාලන කමිටු සාමාජික එම්. දේවරාජා විසින් ආරම්භක වාර්තාව ඉදිරිපත් කලේය. සම්මේලනය සමාජවාදී ඉදිරිදර්ශනයක් සඳහා අරගලයේ කොටසක් බව දේවරාජා සඳහන් කලේය. 2011 වර්ෂය, ජාත්‍යන්තරව ධනපති ආන්ඩු විසින් ජීවන තත්වයන්ට හා ප‍්‍රජාතන්ත‍්‍රීය අයිතීන්ට එල්ල කරන ප‍්‍රහාරවලට එරෙහි අරගලයේ නව කාල පරිච්ඡේදයක් සලකුනු කල බව ඔහු සඳහන් කලේය.

වතු කම්කරුවන් ඇතුලූ කම්කරු පන්තියේ සහ ගම්බද දුගීන් ඇතුලූ පුලූල් ස්ථර ජනාධිපති මහින්ද රාජපක්ෂගේ ආන්ඩුවේ කප්පාදු පිලිවෙත්වලට විරෝධය පෑම සඳහා පෙරට පැමින සිටින බව දේවරාජා කීවේය. "මෙම ශාලාවේ සිටින බොහෝ කම්කරුවන් වැඩ ප‍්‍රමානය ඉහල දැමීමට හා වැටුප් කැපීමට විරුද්ධව මෑත මාස කිහිපය තුල කටුක අරගලයක යෙදී සිටි” බව ඔහු කීවේය.

මෙම අත්දැකීම්වලින් කිහිපයක් කථිකයා පැහැදිලි කලේය. "පලදායිතාව ඉහල දැමීමේ සමාගම්වල උත්සාහයට එරෙහිව, බගවන්තලාවේ කොටියාගල වත්ත, හැටන් ප‍්‍රදේශයේ වැලිඔය සහ ෂැනන් වතු ඇතුලූ වතු කිහිපයක විරෝධතා පැන නැගුනා. වසර කිහිපයකට පෙර ගොතන ලද ඉතා තුනී චෝදනා කිහිපයක් මත කොටියාගල වත්තේ කම්කරුවන් 14 දෙනෙකු උසාවිය විසින් පසුගිය සතියේ රිමාන්ඞ් කලා. මෙම චෝදනා අරගලයේ පෙරමුනේ සිටි සටන්කාමි කම්කරුවන් දඩයම් කිරීමේ උත්සාහයක්.

"ලංකා කම්කරු කොංග‍්‍රසය (සීඩබ්ලිව්සී) වර්ජනයට විරුද්ධ වුනා. කඳුරට ජනතා පෙරමුන (යූපීඑෆ්), ජාතික කම්කරු සංගමය (එන්යූඩබ්ලිව්), ලංකා කම්කරු සන්ධානය (සීඩබ්ලිව්ඒ) සහ ප‍්‍රජාතන්ත‍්‍රවාදී කම්කරු කොංග‍්‍රසය (ඞීඩබ්ලිව්සී) වැනි සෙසු සමිති විරෝධතා ව්‍යාපාරයට සහයෝගය දෙන බව බොරුවට පෙන්නුම් කල අතර සමාගම්වලට සහ ආන්ඩුවට "බලපෑම්” දමන ලෙස කම්කරුවන්ට කිව්වා.

"මෙම සංවිධාන කම්කරුවන් මත දරිද‍්‍රතා මට්ටමේ දෛනික වැටුප් ක‍්‍රමයක් ක‍්‍රියාවට දැමීමේ සහ පහත් ජීවන කොන්දේසි පවත්වාගෙන යාමේ උපකරන බවට පත්වෙලා. ඔවුන් එසේ කරන්නේ සමාගම්වල ලාබය උපරිම කිරීම සඳහා. ආන්ඩුවට සහයෝගය දෙන සීඩබ්ලිව්සී, යූපීඑෆ්, එන්යූඩබ්ලිව් සහ දක්ෂිනාංශික එක්සත් ජාතික පක්ෂය (එජාප) සමග පෙලගැසී සිටින සෙසු වෘත්තීය සමිති ඇතුලූ සියලූම වෘත්තීය සමිති කැපවී සින්නේ ධනපති ක‍්‍රමය රැකීමට” බව දේවරාජා පැවසීය.

වෘත්තීය සමිතිවල යකඩ සැට්ටයෙන් මිදෙන ලෙස කම්කරුවන්ගෙන් ඉල්ලා සිටි දේවරාජා ධනේශ්වර ක‍්‍රමය තුල ශ‍්‍රී ලංකාවේ හෝ ජාත්‍යන්තරව විසඳුමක් සොයා ගත නො හැකි බව ප‍්‍රකාශ කලේය, "සමාජවාදය සඳහා අරගලය තුල දකුනු ආසියාවේ සමාජවාදී සමුහාන්ඩු සංගමයක කොටසක් කම්කරු ගොවි ආන්ඩුවක් සඳහා ලංකාවේ කම්කරුවන් සටන් කලයුතුයි” ඔහු අවධාරනය කලේය.

කම්කරුවෝ ගනනාවක් ඉතා උද්වේගයෙන් සමුලූව ඇමතූහ. වතු තරුනයෙකු මෙසේ පැවසීය. "ඡන්දෙ කාලෙට අපි අපේ නායකයන්ට ඡන්දෙ දෙනවා, ඔවුන්ට සහයෝගය දෙන්න අපට බල කරනවා. නමුත් අපේ ඉල්ලීම් සඳහා අපි ඔවුන් මුන ගැසුන විට ඔවුන් අපෙන් අහනවා ‘තමුසෙලා කවුද’ කියල. අපේ ලයින් කාමර අවුරුදු 150 ක් පරනයි. නිතරම අපේ නිවාස ගිනි ගන්නවා. ධනපති පක්ෂවලට ඡන්දය දෙන්න අපට නැවත නැවත බල කෙරෙනවා නම් අපට ගැලවීමේ මාවතක් නැහැ.”

තමන් සාමාන්‍ය පෙල දක්වා ඉගෙන ගත් බවත් අනතුරුව ඇඟලූම් කම්හලක වැඩ කල බවත් කම්කරු කාන්තාවක් පැවසුවාය. විවාහයෙන් පසුව ගෙදර නැවතුන ඇය රෙදි මැසීමෙහි නියැලූනාය. ආන්ඩුව පදික වෙලඳාම තහනම් කිරීම නිසා ඇගේ සැමියාගේ රැකියාව අහිමි විය. ඔහු කොලඹ රැකියාවක නිරත වන අතර රෙදි මැසීමෙන් ජීවිකාව ගෙන යාමට නොහැකි නිසා ඇයට වත්තක වැඩට යාමට සිදුවීය.

"වත්තේ වැඩ ප‍්‍රමානය ඉහල දැමීමට විරුද්ධව අප වැඩ නතර කලා, නමුත් සීඩබ්ලිව්සී එක අපේ වර්ජනයට විරුද්ධ වුනා” ඇය පැවසුවා ය. කිරි පිටි මිල ඉහල යාම පවුලේ වියදමට බෙහෙවින් බලපා ඇති බවත් ඇගේ දරුවන් පාසල් යැවීම "විශාල ප‍්‍රශ්නයක්” බවත් ජීවන තත්වයන් පහත වැටීම ගැන සඳහන් කරමින් ඇය විස්තර කලාය.

"මට මෑත දී රැකියා විරහිත කාන්තාවක් මුන ගැසුනා. තවමත් රැකියාවක් ලබා ගැනීමට නොහැකි වූ බවත් ඉගෙනීම වෙනුවෙන් විශාල කාලයක් වැය කලේ ඇයි දැයි තමන්ට දැන් හිතෙන බවත් ඇය ප‍්‍රකාශ කලා” යයි කම්කරු කාන්තාව පැවසුවා ය. "අපේ ප‍්‍රශ්න විසඳා ගැනීමට නම් අපට නිසි නායකත්වයක් අවශ්‍යයි” ඇය අවධාරනය කලාය.