மொழிபெயர்ப்பின் மூலக் கட்டுரையை இங்கே காணலாம்.

இத்தாலிய பிரதம மந்திரி ஜியோர்ஜியா மெலோனி கடந்த வியாழன் அன்று வெள்ளை மாளிகையில் ஜனாதிபதி ஜோ பைடெனின் விருந்தினராக கலந்து கொண்டார். பதவியேற்ற பிறகு ஒரு வெளிப்படையான பாசிசவாதிக்கு அமெரிக்க ஜனாதிபதியால் இத்தகைய வரவேற்பு அளிக்கப்படுவது இதுவே முதல் முறையாகும். பிரேசிலின் ஜெய்ர் போல்சனாரோ மற்றும் ஹங்கேரியின் விக்டர் ஆர்பன் உட்பட சர்வாதிகார ஆட்சியின் பிற ஆதரவாளர்கள் அத்தகைய அழைப்புகளை பெறவில்லை என்று செய்தி அறிக்கைகள் குறிப்பிட்டுள்ளன.

மூடிய கதவுக்குப் பின்னால் நடந்த சந்திப்பில், அமர்ந்திருந்த மெலோனியிடம் பேசுவதில் உற்சாகத்துடன் இருந்த பைடென், “பிரதமரை வரவேற்பதில் மகிழ்ச்சி, இங்கு வந்ததற்கு நன்றி, நாங்கள் நண்பர்களாகிவிட்டோம், நீங்கள் திரும்பி வருவது நல்லது” என்று குறிப்பிட்டார்.

இத்தாலியின் சகோதரர்கள் என்ற மெலோனியின் கட்சியானது, செப்டம்பர் 2022 தேர்தல்களில் அதிக வாக்குகளைப் பெற்று, இப்போது மூன்று கட்சிகள் இணைந்த வலதுசாரி கூட்டணி அரசாங்கத்தை வழிநடத்துகிறது, இந்த கூட்டணியில், மறைந்த கோடீஸ்வரர் சில்வியோ பெர்லுஸ்கோனியின் தனிப்பட்ட கருவியாக உள்ள போர்ஸா இத்தாலியா, மற்றும் மேட்டியோ சல்வினி தலைமையிலான லா லிகா (லீக்) என்ற கட்சிகள் உள்ளன. இவை, புலம்பெயர்ந்தோர் மற்றும் வேலைநிறுத்தம் மேற்கொள்ளும் தொழிலாளர்களுக்கு எதிரான அதிகபட்ச அடக்குமுறையினை கட்டுப்பாடற்று கட்டவிழ்த்து விடுவதற்கு வக்காலத்து வாங்கும் கட்சிகளாகும்.

முசோலினியின் பாசிசக் கட்சியிலிருந்து உருவான பல்வேறு கட்சிகளின் முன்னாள் ஆதரவாளர்களால், இத்தாலியின் சகோதரர்கள் கட்சி ஸ்தாபிக்கப்பட்டது, இந்தக் கட்சி, இரண்டாம் உலகப் போரில் முசோலினி ஹிட்லருடன் கூட்டணியில் இருந்தபோது, அமெரிக்கா மற்றும் பிரிட்டன் இத்தாலியை ஆக்கிரமித்து, அதன் தோல்விக்குப்பின்பு கலைக்கப்பட்டது. முசோலினியின் இரண்டு தசாப்தங்களுக்கும் மேலான ஆட்சி 1943 இல் முடிவடைந்தது, இறுதியாக 1945 இல் இடதுசாரி போராளிகளால் முசோலினி தூக்கிலிடப்பட்டார்.

மெலோனி பாசிச வழிபாட்டின் உறுப்பினராக இல்லை என்று கூறுகிறார். ஆனால் அவரது அதிதீவிர வலதுசாரி அரசியலை பிரான்சில் உள்ள மரின் லு பென் அல்லது டொனால்ட் ட்ரம்ப் போன்றவர்களிடமிருந்து பிரித்துப்பார்க்க முடியாது. பிரான்ஸ் அல்லது அமெரிக்காவிற்குப் பதிலாக அவரது பேரினவாத முறையீடுகளின் மையமாக இத்தாலி மட்டுமே உள்ளது.

ஓரினச்சேர்க்கையாளர்கள் மற்றும் லெஸ்பியன்களுக்கு எதிராக அதே கொடூரமான ஜனநாயக விரோத மதவெறியை அவர் ஆதரிக்கிறார், ஒரு குழந்தையை தத்தெடுக்கும் போது ஓரின சேர்க்கை தம்பதிகள் பெற்றோராக பதிவு செய்வதை உடனடியாகத் தடை செய்கிறார். (ஒரு உயிரியல் பெற்றோர் மட்டுமே இதைச் செய்ய முடியும்) மேலும், பிற கட்டுப்பாடுகளும், புலம்பெயர்ந்தோர் மீதான தாக்குதல்களும் தொடர்ந்து வந்துள்ளன.

நாட்டிற்கு வெளியே வசிக்கும் இத்தாலிய குடிமக்களுக்கு வாடகைத் தாய் முறையைத் தடை செய்ய அவரது அரசாங்கம் தயாராகி வருகிறது. ரோமன் கத்தோலிக்க திருச்சபையின் பிற்போக்கு கோட்பாடுகளின்படி, இத்தாலியில் இது ஏற்கனவே சட்டவிரோதமானது.

இந்த நடவடிக்கைகள் எதுவும் அவர் ஐரோப்பிய ஒன்றியத்தின் தலைமைப் பதவிக்கு வருவதைத் தடுக்கவில்லை. அடுத்த ஆண்டு, இது இத்தாலியின் முறை என்பதால், செல்வந்த முதலாளித்துவ நாடுகளின் பிரத்யேக கிளப்பான G-7 இன் கூட்டத்திற்கு அவர் தொகுப்பாளராக இருப்பார், இந்தக் கூட்டம் இத்தாலியின் தெற்கு மாகாணத்திலுள்ள புக்லியாவில் நடைபெறும்.

முசோலினிக்குப் பிறகு இத்தாலியின் மிகவும் வலதுசாரி அரசாங்கத்திற்கு பைடென் ஒப்புதல் அளித்ததைப் பொறுத்தவரை, வாஷிங்டன் போஸ்ட் கூறியது போல், “மெலோனியின் பரந்த ஏற்றுக்கொள்ளல் என்பது பெரும்பாலும் ஒரு வார்த்தையில் கொதிக்கிறது: அது ரஷ்யா.”

பெர்லுஸ்கோனி மற்றும் சால்வினி மற்றும் ஹங்கேரியில் உள்ள ஆர்பன் போன்ற அவரது இணை சிந்தனையாளர்களைப் போலல்லாமல், உக்ரேனில் ரஷ்யாவிற்கு எதிரான நேட்டோவின் பினாமி போருக்கு மெலோனி வலுவான ஆதரவாளராக உள்ளார். அவர் இத்தாலிய மண்ணில் உக்ரேனிய துருப்புக்களுக்கு பயிற்சி அளித்தல் மற்றும் உக்ரேனிய ஜனாதிபதி வோலோடிமிர் செலென்ஸ்கியுடன் ஒற்றுமையை வெளிப்படுத்தும் வகையில் கியேவுக்கு பயணம் செய்தல் உட்பட பில்லியன் கணக்கான இராணுவ உதவிகளை வழங்கியுள்ளார்.

வெள்ளை மாளிகை கூட்டத்தில் பைடெனுடன் அமர்ந்திருந்தபோது, மெலோனி சுருக்கமான கருத்துக்களில் இந்த நிலைப்பாட்டை மேற்கோள் காட்டினார். “உக்ரேனுக்கு எதிரான ரஷ்ய ஆக்கிரமிப்புக்குப் பிறகு, நாங்கள் சர்வதேச சட்டத்தை பாதுகாக்க முடிவு செய்தோம், ஆரம்பத்தில் இருந்தே இத்தாலி அதில் தனது பங்கைக் கொண்டிருந்ததில் நான் பெருமைப்படுகிறேன்” என்று குறிப்பிட்டார்.

“உக்ரேனை ஆதரிப்பது என்பது உலகில் எல்லா அரசுகளிலும் உள்ள மக்களின் அமைதியான சகவாழ்வைப் பாதுகாப்பதாகும் என்பதால் நாங்கள் அதைச் செய்தோம். சிலர் கூறுவதற்கு மாறாக, உக்ரேனிய எதிர்ப்பு ஒரு உலகப் போரை தூரமாக்குகிறது மற்றும் அதை நெருக்கமாக கொண்டு வரவில்லை. சிலர் சொல்வது போல், அமைதியை நம்புபவர்கள் உக்ரேனிய பிரச்சனையில் முதல் ஆதரவாளர்களாக இருக்க வேண்டும்” என்று அவர் தெரிவித்தார்.

பின்னர் அவர் தனது பயணத்தின் உண்மையான வணிகத்தில் இறங்கினார், இது முதன்மையாக ஆப்பிரிக்காவில் அதன் முன்னாள் காலனி லிபியா மற்றும் நேரடியாக மத்தியதரைக் கடல் முழுவதும் இத்தாலிய நலன்களைப் பற்றிய விவாதமாக இருந்தது. “ஆப்பிரிக்காவைப் பற்றி, அவர்களுடன் ஒரு புதிய உறவைக் கட்டியெழுப்ப உதவும் இந்த நாடுகளில் நாம் ஆற்றக்கூடிய பங்கைப் பற்றி நான் அதிகம் கவனித்துக்கொள்கிறேன் என்று ஜனாதிபதி பைடெனுக்குத் தெரியும்” என்று அவர் மேலும் தெரிவித்தார்.

மத்திய தரைக்கடல் முழுவதும் குடியேற்றவாசிகளின் பயணத்தை நிறுத்துவதற்கும், அத்துடன் பரந்த பிராந்தியத்தின் எண்ணெய் மற்றும் பிற இயற்கை வளங்களில் இத்தாலிய நிறுவனங்களின் இலாபகரமான முதலீடுகளுக்கான வாய்ப்புகளைத் திறப்பதற்கும் இது அவசியமானது.

மெலோனியும் இத்தாலிய ஆளும் வர்க்கமும் உக்ரேனில் அமெரிக்கப் பினாமிப் போருக்கான தங்கள் ஆதரவை, ஆபிரிக்காவில் இத்தாலியின் நடவடிக்கைகளுக்கான அமெரிக்க ஆதரவுடன் வெகுமதியாக எதிர்பார்க்கிறார்கள், குறிப்பாக வட ஆபிரிக்கா மற்றும் சஹாரா மற்றும் சஹேல் நாடுகளிலும் மேலும் தெற்கிலும் இது கவனம் செலுத்துகிறது. மெலோனி “மத்தியதரைக் கடலில் பாதுகாப்பு மற்றும் ஆற்றல் சவால்களில்” கவனம் செலுத்துவார் என்று இத்தாலிய தூதர்கள் வாஷிங்டன் போஸ்ட்டிடம் தெரிவித்தனர். அதாவது, அதன் முன்னாள் காலனியான லிபியாவின் எண்ணெய் வளத்தை இத்தாலிக்கு அனுமதிப்பதாகும். அத்துடன் இத்தாலி மற்றும் ஐரோப்பிய ஒன்றியத்தின் குடியேற்றம் மீதான ஒடுக்குமுறைக்கு ஒப்புதல் அளிப்பதும் அடங்கும்.

உக்ரேனுக்கான இத்தாலியின் தொடர்ச்சியான ஆதரவையும், சீனாவின் பெல்ட் அண்ட் ரோடு முன்முயற்சியிலிருந்து விரைவாக இத்தாலிய விலகலையும் பைடன் பெறுவார் என்று எதிர்பார்க்கப்பட்டது. ஜனரஞ்சக ஐந்து நட்சத்திர இயக்கத்தின் பிரதம மந்திரி Giuseppe Conte இன் கீழ், சீனாவின் உள்கட்டமைப்பு கட்டுமானத் திட்டத்தில் ஈடுபடும் முதல் G7 உறுப்பினராக இத்தாலி ஆனது, இது பெய்ஜிங்கிற்கு மேற்கு ஐரோப்பாவில் அதன் ஆழமான பயணத்தை அளித்தது. அப்போதிருந்து, வாஷிங்டன் இத்தாலியை இத்திட்டத்திலிருந்து திரும்பப் பெறுவதற்கான அழுத்தத்தை அதிகரித்து வருகிறது.

“ஜனாதிபதி மெலோனியுடன் வேலை செய்வதில் மகிழ்ச்சியடைந்தார்… நிச்சயமாக வெளியுறவுக் கொள்கையின் சிக்கல்களில், இத்தாலியுடன் நாங்கள் எடுத்துக்கொண்டிருக்கும் பல ஒன்றுடன் ஒன்று மற்றும் பரஸ்பரம் வலுப்படுத்தும் அணுகுமுறைகள் உள்ளன.… இத்தாலி ஒரு நேட்டோ கூட்டாளியாகும், மேலும் அவர்கள் மிகவும் திறமையான நேட்டோ நட்பு நாடாக உள்ளனர், மேலும் அவர்கள் உக்ரேனின் மிகப்பெரிய ஆதரவாளராக இருந்து வருகின்றனர்” என்று தேசிய பாதுகாப்பு கவுன்சிலின் செய்தித் தொடர்பாளர் ஜோன் கிர்பி, கூட்டத்திற்கு முன் கூறினார்.

மெலோனியுடன் உள்நாட்டு கொள்கை பிரச்சினைகளை பைடென் எழுப்ப மாட்டார் என்று கிர்பி பரிந்துரைத்தார். “இத்தாலிய மக்கள் தங்கள் அரசாங்கம் யார், எது ஜனநாயகம் என்பதை தீர்மானிக்க வேண்டும், ஜனாதிபதி அதை மதிக்கிறார்” என்று கிர்பி தெரிவித்தார்.

கூட்டு செய்தியாளர் சந்திப்பை நடத்துவதில்லை என்ற முடிவானது, உள்நாட்டில் மெலோனியின் அதிதீவிர-வலது கொள்கைகளுக்கு உள்ள மரியாதையின் அடையாளத்தை காட்டுகிறது, வழக்கமாக ஒரு பெரிய நாட்டிலிருந்து வரும் ஒரு தலைவரின் வருகைக்குப் பிறகு நடைபெறும் செய்தியாளர் சந்திப்பில், அங்கு பைடெனும் அவரது விருந்தினரும் அருகருகே நின்று, இரு நாட்டினது ஊடகங்களிடமிருந்தும் மாறி மாறி வரும் கேள்விகளுக்கு பதிலளிப்பார்கள்.

இத்தாலியின் உள்நாட்டுக் கொள்கைகள் குறித்து பத்திரிகைகள் சங்கடமான கேள்விகளை எழுப்பக்கூடும் என்ற கவலையின் காரணமாக மெலோனி மற்றும் பைடென் இருவரும் அத்தகைய தோற்றத்தை நிராகரித்திருக்கலாம். அதைத் தொடர்ந்து நடந்த செய்தியாளர் சந்திப்பில், வெள்ளை மாளிகையின் செய்தித் தொடர்பாளர் கரின் ஜோன் பியரிடம் ஏன் கூட்டாகப் பத்திரிகையாளர்கள் சந்திப்பை நடத்தவில்லை என்ற கேள்விகள் அங்கு எழுப்பப்பட்டன. ஆனால், அந்தப் பெண்மணியால் எந்த ஒத்திசைவான பதிலையும் கொடுக்க முடியவில்லை, இது இத்தாலிய தூதரகத்திற்கும் அமெரிக்க வெளியுறவுத்துறைக்கும் இடையில் எடுக்கப்பட்ட முடிவு, அவருடைய அலுவலகம் அல்ல என்று பதில் கூறப்பட்டது.

வெள்ளை மாளிகையில் மூடிய கதவுகளுக்குப் பின்னால் விவாதிக்கப்பட்ட ஒப்பந்தங்கள் பெரும்பாலும் வெளியுறவுக் கொள்கை பற்றியதாக இருந்தாலும், மெலோனியுடன் பைடெனின் சந்திப்பு அமெரிக்க உள்நாட்டு அரசியலின் அடிப்படையில் முக்கியத்துவம் வாய்ந்தது.

டொனால்ட் டிரம்ப் தலைமையிலான பாசிச குடியரசுக் கட்சியினரால் அமெரிக்க அரசியலை கையகப்படுத்துவதற்கு எதிரான கடைசி அரணாக இது இருப்பதாக ஜனநாயகக் கட்சிக்கு வக்காலத்து வாங்குபவர்கள் கூறுகின்றனர். ஆனால், ரஷ்யா மற்றும் சீனாவில் அதன் முக்கிய இலக்குகளுக்கு வரும்போது, அவரது நிர்வாகம் அமெரிக்க வெளியுறவுக் கொள்கையுடன் இணங்குகிறது என்ற நிபந்தனையின் பேரில், பைடென் ட்ரம்பின் இத்தாலிய பதிப்பை வெள்ளை மாளிகைக்கு வரவேற்கத் முற்றிலும் தயாராக இருக்கிறார்.

2019 மற்றும் 2020 களில், கன்சர்வேடிவ் அரசியல் நடவடிக்கை மாநாட்டில் (CPAC) கெளரவ விருந்தினர் பேச்சாளராக மெலோனி கலந்துகொண்டார். 2019 இல் அப்போதைய ஜனாதிபதி டிரம்ப் அதே நாளில் கலந்துகொண்டு பேசினார். மேலும் அவரது கருத்துக்கள் சமூக ஊடகங்களில் பரவியதாக கூறப்படுகிறது. மெலானி நேட்டோ மற்றும் அமெரிக்காவை கம்யூனிசத்தின் அச்சுறுத்தலுக்கு எதிராக தனது நட்பு நாடுகளாக கருதுகிறார், இது முதன்மையாக இத்தாலிய தொழிலாள வர்க்கத்தை குறிக்கிறது.

மொஸ்கோ மற்றும் பெய்ஜிங்கிற்கு எதிரான அமெரிக்க போர் உந்துதலுக்குப் பின்னால், மெலோனியைப் போன்று எவரும் அணிவகுத்து நின்றால், பைடெனுக்கு இதே போன்ற சக்திகளுடன் இணைந்து பணியாற்றுவதில் எந்தப் பிரச்சனையும் இருக்காது.