மொழிபெயர்ப்பின் மூலக் கட்டுரையை இங்கே காணலாம்.

கடந்த சில வாரங்களாக, பெரும் தொற்றுநோய் முடிவுக்கு வந்துவிட்டதாக அரசாங்கங்கள், சுகாதார நிறுவனங்கள் மற்றும் பெருநிறுவன ஊடகங்கள் பொய்யாக அறிவித்துள்ள நிலையில் COVID-19 இன்னும் நீட்டித்து மற்றும் மிகவும் அபாயகரமானதாகவே உள்ளது என்ற உண்மை, அவற்றின் பிரச்சாரங்களை தகர்த்து வெளிவந்துள்ளது.

கடந்த வாரம் உலக சுகாதார அமைப்பு (WHO) செய்தியாளர் சந்திப்பில், COVID-19 தொழில்நுட்பத் தலைவர் டாக்டர் மரிய வன் கெர்கோவே, வழக்கமான நோய்த்தொற்றுகள் மற்றும் மருத்துவமனையில் அனுமதிக்கப்படல்கள் ஆகியவற்றில் இருந்து கிடைக்கக்கூடிய குறைந்த அளவிலான தரவு அடிப்படையில், உலகம் முழுவதும் தினமும் மில்லியன் கணக்கான மக்கள் பாதிக்கப்படுகின்றனர் என்று ஒப்புக்கொள்ள நிர்ப்பந்திக்கப்பட்டார். COVID-19 குறித்த பொது சுகாதார அவசரநிலை (PHE) அறிவிப்பை WHO விஞ்ஞானபூர்வமற்ற முறையில் முடிவுக்கு கொண்டு வந்த மூன்று மாதங்களுக்குப் பிறகு, பல நாடுகள் தங்கள் கண்காணிப்பு அமைப்புகளை அகற்றின. டாக்டர் கெர்கோவே, புதிய அச்சுறுத்தல்களை கண்காணிப்பது மிகவும் கடினமாக, அல்லது அது சாத்தியமற்றதாக கூட இருக்கலாம் என்று எச்சரித்தார், மேலும் வைரஸ் தொடர்ந்து மாறுபாடு அடைந்து மேலும் கொடியதாக மாறக்கூடும் என்று குறிப்பிட்டார்.

WHO செய்தியாளரின் கூற்றுப்படி, 234 நாடுகளில் 103 மட்டுமே COVID-19 தொற்றுக்களை பதிவு செய்துள்ளதோடு, 54 இறப்புகளைப் பதிவு செய்துள்ளன, 19 மருத்துவமனையில் அனுமதிக்கப்படும் தரவுகளை வழங்குகின்றன மற்றும் 17 தீவிர சிகிச்சைப் பிரிவு (ICU) சேர்க்கைகளை வழங்குகின்றன. கூடுதலாக, ஜிசாயிட் (GISAID) இன் உலகளாவிய தகவல் பகிர்வு திட்டத்தின்படி, ஆகஸ்ட் மாதத்தில், உலகளாவிய மரபணு கண்காணிப்பு COVID-19 ஐ உருவாக்கும் SARS-CoV-2 எனப்படும் வைரஸின் 7,000 க்கும் குறைவான வரிசைகளை உற்பத்தி செய்தது, இது ஆகஸ்ட் 2022 இல் வரிசைப்படுத்தப்பட்ட அனைத்து தொற்றுக்களில் 1.6 சதவீதம் மட்டுமே ஆகும்.

தற்போது, Omicron EG.5 துணை வகை வைரசுக்கு, “எரிஸ்” என்று பெயரிடப்பட்டுள்ளது, இது பூகோள அளவில் ஆதிக்கம் செலுத்துகிறது. சீனாவில், இது அனைத்து வரிசைப்படுத்தப்பட்ட தொற்றுக்களில் 71.6 சதவீதமாக உள்ளது, ஏப்ரல் மாதத்தில் இருந்ததைவிட ஒரு சதவீதத்திற்கும் சற்று அதிகமாக உள்ளது. அமெரிக்காவில், எரிஸ் மற்றும் FL.1.5.1, மற்றொரு கவலைக்கிடமான துணை வகை, அது இப்போது அனைத்து வரிசைப்படுத்தப்பட்ட தொற்றுக்களில் 34 சதவீதத்தை கொண்டுள்ளது. இது அடுத்த சில வாரங்களில் மற்ற அனைத்து துணை வகைகளையும் ஆதிக்கம் செலுத்தும் என்று எதிர்பார்க்கப்படுகிறது.

இதற்கிடையில், Omicron BA.2.86 வைரஸ், “பிரோலா” என்று அழைக்கப்படுகிறது, இது பல விஞ்ஞானிகள் அதன் முக்கோண புரதத்தில் 30 க்கும் மேற்பட்ட புதிய பிறழ்வுகளைக் கொண்டிருப்பதால் மிகவும் கவலை அடைந்துள்ளனர். இது WHO ஆல் கண்காணிக்கப்படும் மாறுபாடாக (VUM) வகைப்படுத்தப்பட்டுள்ளது. கடந்த இரண்டு நாட்களில், இந்த மாறுபாடு ஜேர்மனி, ஸ்பெயின் மற்றும் போர்த்துக்கலில் கண்டறியப்பட்டுள்ளது, இது இதுவரை 10 நாடுகளில் இது பரவி வருவதை உறுதிப்படுத்தப்பட்டுள்ளது.

பூகோளரீதியாக கண்காணிப்பு முற்றிலும் தோல்வியடைந்துள்ளதால், தொற்றுநோயின் தொடர்ச்சியான தாக்கத்தை மதிப்பிடக்கூடிய ஒரே வழி கழிவுநீர் கண்காணிப்பு, அதிகாரப்பூர்வமாக மருத்துவமனையில் அனுமதிப்பு புள்ளிவிவரங்கள் மற்றும் அதிகப்படியான இறப்பு மதிப்பீடுகள் ஆகும், அவை ஒட்டுமொத்தமாக யதார்த்தத்தின் மங்கலான பிரதிபலிப்பை மட்டுமே வழங்குகின்றன.

அமெரிக்காவில் கழிவுநீர் புள்ளிவிவரங்கள் கடந்த இரண்டு மாதங்களில் மூன்று மடங்கு அதிகரித்துள்ளன, சுமார் 580,000 அமெரிக்கர்கள் தற்போது ஒவ்வொரு நாளும் COVID-19 நோயால் பாதிக்கப்பட்டுள்ளனர் என்று ஒரு விஞ்ஞானி கணக்கிட்டுள்ளார்.

மைய நோய் கட்டுப்பாடு மற்றும் தடுப்பு மையங்களின் (CDC) சமீபத்திய தரவுகளின்படி, ஆகஸ்ட் 19 அன்று முடிவடைந்த வாரத்தில் COVID-19 க்கான வாராந்திர மருத்துவமனை அனுமதிகள் 15,000 க்கும் அதிகமாக இருந்தன. இந்த எண்ணிக்கை வெறும் ஆறு வாரங்களுக்கு முன்பு 6,461 என்றிருந்த குறைந்தபட்ச அளவை விட கிட்டத்தட்ட மூன்று மடங்கு அதிகம், மேலும் அடுத்த சில வாரங்களில் அதிகரிக்கும்.

பூகோளரீதியாக ஒவ்வொரு நாளும் தொற்றுநோய்க்கு காரணமான 11,100 அதிகப்படியான இறப்புகள் தொடர்ந்து நடக்கின்றன - கடந்த நான்கு மாதங்களில் 42 சதவீத அதிகரிப்பு - தி எக்கோனொமிஸ்ட் பத்திரிகையின்படி தற்போது மொத்தமாக 24.8 மில்லியனுக்கும் அதிகமாக இது உள்ளது.

இந்த சமீபத்திய கோடைகால COVID-19 அலை இப்போது கோடை காலம் மற்றும் குளிர்கால விடுமுறைக்குப் பிறகு பூகோளரீதியாக பள்ளிகள் மீண்டும் திறக்கப்படுவதுடன் ஒன்று சேர்ந்து வருகிறது. இதுவே சமூக பரவலை ஊக்குவிக்கும். இன்ஃபுளூன்சா மற்றும் RSV உடன் இணைந்து, மிக விரைவில், இந்த மூன்று வைரஸ் அச்சுறுத்தல்களும் மருத்துவமனைகளை மூழ்கடிக்கலாம் என்பது போன்ற அதிகமான அறிக்கைகள் பெருக்கெடுக்கலாம், அவை ஏற்கனவே ஆபத்தான அளவு குறைந்த பணியாளர்கள் மற்றும் சோர்வுற்ற தொழிலாளர்களுடன் இயங்குகின்றன.

கென்டக்கி மற்றும் டெக்சாஸில் உள்ள பள்ளி மாவட்டங்கள், COVID-19 நோயால் பாதிக்கப்பட்ட மாணவர்கள் மற்றும் ஆசிரியர்களின் பெரிய எண்ணிக்கையால் மீண்டும் பள்ளியை திறந்த சில நாட்களில் அல்லது வாரங்களில் தங்கள் கதவுகளை மூட வேண்டியிருந்தது. ஜோர்ஜியா, நியூயோர்க், கலிபோர்னியா மற்றும் பிற மாநிலங்களில் மருத்துவமனைகள் மற்றும் கல்லூரிகள் முகக்கவச கட்டுப்பாடுகளை மீண்டும் அறிமுகப்படுத்த வேண்டிய கட்டாயம் ஏற்பட்டுள்ளது.

இந்த உள்ளடக்கத்தில் இந்த மிகப்பெரும் பெரும்தொற்றுநோய் அலை தொடங்கிய 2 மாதங்களுக்குப் பிறகு, நியூயோர்க் டைம்ஸ் இன்று தலைப்புச் செய்தியில் “இன்னும் முடிவடையவில்லை: கோடைகால பிற்பகுதி கோவிட் அலை மேலும் வரப்போவதற்கான எச்சரிக்கையை தருகிறது” என்று வெளியிட்டுள்ளது.

கட்டுரை ஒரு வகையான சேதக் கட்டுப்பாடு நடவடிக்கையாகும். ஏனெனில் டைம்ஸ் பத்திரிகை COVID-19 இன் தொடர்ச்சியான ஆபத்துகளை குறைத்து மதிப்பிடுவதில் முன்னணியில் இருந்து வருகிறது, மேலும் WHO மற்றும் பைடென் நிர்வாகம் மே மாதம் PHE களை முடிவுக்குக் கொண்டுவந்த பிறகு தொற்றுநோய் குறித்த அதன் செய்தி திரட்டலை கிட்டத்தட்ட முற்றிலும் கைவிட்டன.

கட்டுரையின் ஆசிரியர்கள் தங்கள் வாசகர்களுக்கு, ஒரு மாதத்திற்கு முன்பு, பெரும் தொற்றுநோயை மிகவும் குறைத்துக் காட்டுவதில் இழிபுகழ் பெற்ற டைம்ஸ் டேவிட் லியோன்ஹார்ட் எழுதிய ஒரு கட்டுரையை வெளியிட்டது என்பதை நினைவூட்டவில்லை என்பது பற்றி சொல்ல வேண்டியதில்லை. அதில் அவர், “தொற்றுநோய் இறுதியாக முடிவுக்கு வந்தது” என்ற தவறாகக் கூறினார்.

தனது கட்டுரையைத் தொடங்கும் போது, ​​போஸ்மேன் “கோடைகாலத்தின் பிற்பகுதியில், பள்ளிகள் மற்றும் பணியிடங்களில் கொரோனா வைரஸ் தொற்றுநோய்களின் அலை தொட்டது” என்பதை ஒப்புக்கொள்கிறார். COVID-19 மருத்துவமனையில் அனுமதிக்கப்பட்டவர்களின் சமீபத்திய உயர்வைக் குறிப்பிட்ட அவர், “இந்த இலையுதிர் மற்றும் குளிர்காலத்தில் இன்னும் அதிகமான COVID-19 பரவுவது குறித்து உள்ளூர் அரசாங்க வல்லுநர்கள் பொதுமக்களை எச்சரித்தனர்” என்றார்.

குறிப்பாக உலகளவில் நூற்றுக்கணக்கான மில்லியன் முதியோர்கள் மற்றும் நோயெதிர்ப்பு குறைபாடுள்ள மக்களுக்கு. தொற்றுநோயின் தற்போதைய ஆபத்துகளை குறைத்து மதிப்பிடுவதில் டைம்ஸின் பங்கை கட்டுரை மேலும் விவரிக்கிறது,

பெரும்பாலான பள்ளிகளில் இன்னும் கோவிட்-19 க்கு எதிராகப் பாதுகாப்பதற்கு போதுமான காற்றோட்டத்திற்கான அமைப்புகள் இல்லை என்பதையும், அதனால் வைரஸ் பரவும் மையங்களாக இருக்கின்றன என்பதையும் புறக்கணித்து, அடிப்படை பொது சுகாதார நடைமுறையை எதிர்க்கும் அட்டெண்டன்ஸ் ஒர்க்ஸ் நிர்வாக இயக்குநரான ஹெடி என். சாங்கை போஸ்மேன் மேற்கோள் காட்டுகிறார். நோய்வாய்ப்பட்ட குழந்தைகளை வீட்டில் வைத்திருத்தல் குறித்து சாங், “நாம் உண்மையில் மீண்டும் விதிமுறைகளை மாற்ற வேண்டும், நாங்கள் குழந்தைகளை வீட்டில் வைத்திருக்கும்போது கவனமாகவும் சிந்தனையுடனும் இருக்க வேண்டும், அது உண்மையிலேயே ஒரு பிரச்சனை என்று நாங்கள் நினைத்தால் மட்டுமே அவர்களை வீட்டில் வைத்திருக்க வேண்டும்” என்று கூறுகிறார்,

இது லொஸ் ஏஞ்சல்ஸ் பள்ளிகளில் தற்போது நடைமுறையில் உள்ள குற்றவியல் கொள்கையுடன் ஒத்துப்போகிறது. இதில் கோவிட்-19 மற்றும் பிற நோய்களால் பாதிக்கப்பட்ட குழந்தைகள் பள்ளிக்குச் செல்ல ஊக்குவிக்கப்படுகிறார்கள்.

இறுதியாக, அவர்களின் குற்றங்களை நியாயப்படுத்த ஒரு நிபுணத்துவ சாட்சியை நிலைநிறுத்துவது போல், போஸ்மேன் நோர்த்வெஸ்டர்ன் மெமோரியல் ஹாஸ்பிட்டல் நுரையீரல் நிபுணர் டாக்டர் ஜோன் எம். கோல்மனை மேற்கோள் காட்டுவதுடன், “முன்னேறி செல்கையில், கோவிட் எப்போதும் நம்முடன் கூடவே இருக்கப்போகிறது என்பதால் நாம் கோவிட்டுடன் சேர்ந்து வாழக் கற்றுக் கொள்ள வேண்டும்” என்று குறிப்பிடுகிறார்.

டைம்ஸ் பின்னர் பைடென் நிர்வாகத்தின் இனமேம்பாட்டியல் கொள்கையை முன்வைக்கிறது, இதில் மில்லியன் கணக்கான முதியவர்கள் மற்றும் நோயெதிர்ப்பு குறைபாடுள்ள அமெரிக்கர்கள் தங்களைத் தாங்களே தற்காத்துக் கொள்ள விடப்படுகிறார்கள். டாக்டர் கோல்மனின் ஞான சுருக்கத்தை போஸ்மேன் எழுதுகிறார், “கோவிட்டுக்காக மருத்துவமனையில் அனுமதிக்கப்பட்டுள்ளவர்கள், ஏற்கனவே இருக்கும் நிலைமைகள் அல்லது அடக்கப்பட்ட நோயெதிர்ப்பு அமைப்புகளைக் கொண்டுள்ளனர், அவை அவர்களை கடுமையான அறிகுறிகளுக்கு மிகவும் எளிதில் பாதிப்புக்கு உள்ளாக்கிறது.”

இந்த பல்லாயிரக்கணக்கான ஆபத்தில் உள்ள நபர்களுக்கு, டைம்ஸ் மற்றும் அவர்களின் கற்றறிந்த மருத்துவர் பின்வரும் மருத்துவ ஆலோசனைகளை வழங்குகிறார்கள்: “குறிப்பாக ஏற்கனவே உடல்நல அபாயங்கள் உள்ளவர்கள், இந்த இலையுதிர்காலத்தில் புதிய பூஸ்டரைப் பெறுவது முக்கியம், அடிக்கடி கைகளை கழுவுங்கள். உடல்நிலை சரியில்லாமல் இருந்தால் முகமூடியை அணியுங்கள்.

வேறு வார்த்தைகளில் கூறுவதானால், தொற்றுநோயின் ஒரு பெரிய அலைக்கு மத்தியில், டைம்ஸ் அதன் வாசகர்களிடம் வாரக்கணக்கில் கிடைக்காத ஒரு பூஸ்டர் ஊசியை எடுத்துக்கொள்ளும்படி, காற்றில் பரவும் நோய்க்கிருமியிலிருந்து பாதுகாக்க கைகளைக் கழுவும்படி மற்றும் தொற்று வருவதற்கு முன்னர் முகமூடியை அணிவதற்கு பதிலாக பாதிக்கப்பட்ட பின்னர் அணியும்படி சொல்கிறது. அத்தகைய தொற்றுகளை தடுக்க. இத்தகைய வெளிப்படையான அறிவியலற்ற அறிவுரைகள், செய்தித்தாள் பிரச்சாரத்தின் பங்களிப்பை மட்டுமே அடிக்கோடிட்டுக் காட்டுகிறது.

மேலும், “முன்பே இருக்கும் நிலைமைகள் அல்லது ஒடுக்கப்பட்ட நோயெதிர்ப்பு அமைப்புகளைக் கொண்டவர்கள்” மட்டுமே COVID-19 இன் மிகவும் கடுமையான வடிவங்களுக்கு ஆளாக நேரிடும் என்று பரிந்துரைப்பதன் மூலம் கோவிட்-19 ஆல் ஏற்படும் ஆபத்துகளைக் குறைத்து மதிப்பிடும் முயற்சி இனமேம்பாட்டியல் மட்டுமல்ல, வெளிப்படையாக தவறானது.

2022 ஆம் ஆண்டின் பிற்பகுதியிலும் 2023 ஆம் ஆண்டின் முற்பகுதியிலும் பிரான்சில் இதே காலகட்டத்தில் Omicron தொற்று மற்றும் காய்ச்சலை ஒப்பிட்டு, தொற்றுநோயியல் மற்றும் நோய்த்தொற்றில் வெளியிடப்பட்ட Harvard biostatistian Dr. Edward Goldstein, PhD இன் சமீபத்திய அறிக்கையில், அவர் SARS-CoV-2 இலிருந்து இறப்பு அபாயம். நான்கு மடங்கு அதிகமாக இருக்கும் என்று கண்டறிந்தார்.

டைம்ஸ் கட்டுரை வெளி வருவதற்கு சில நாட்களுக்கு முன்பு, செயின்ட் லூயிஸ், மிசோரியில் உள்ள வாஷிங்டன் பல்கலைக்கழக மருத்துவப் பள்ளியிலுள்ள நீண்ட கோவிட் ஆராய்ச்சியாளர் டாக்டர் ஜியாத் அல்-அலி மற்றும் அவரது குழுவினர் இரண்டு ஆண்டுகளுக்குப் பிறகு நீண்ட கோவிட் பாதிப்புகளை மையமாகக் கொண்டு தங்களது சமீபத்திய தொற்று தொடர்பான ஆய்வை வெளியிட்டனர்.

அவர்களது ஆய்வின்படி, மருத்துவமனையில் அனுமதிக்கப்படாத கோவிட்-19 நோயாளிகளில், மரண ஆபத்து ஆறு மாதங்கள் வரை மற்றும் மருத்துவமனையில் அனுமதிக்கப்படுவர்கள் குறித்த ஆபத்து 19 மாதங்கள் வரை உயர்ந்துள்ளது. இரண்டு ஆண்டுகளில், இரத்த உறைதல் கோளாறுகள், நுரையீரல் கோளாறுகள், சோர்வு, செரிமான கோளாறுகள், தசைக்கூட்டு கோளாறுகள், நீரிழிவு மற்றும் பிற விளைவுகள் (பிந்திய விளைவுகள்) அதிகரித்துள்ளன, “இந்த உறுப்பு அமைப்புகளுக்கு நீண்ட கால ஆபத்து விளிம்பைக் குறிக்கிறது” என்று அல்-அலி கூறுகிறார்.

தங்கள் தொற்றுக்காக மருத்துவமனையில் அனுமதிக்கப்பட்டவர்களுக்கு, மரணம் மற்றும் மருத்துவமனையில் அனுமதிக்கப்படும் ஆபத்து இரண்டு ஆண்டுகளில் தொற்று இல்லாத கட்டுப்பாட்டு குழுக்களுடன் ஒப்பிடும்போது உயர்ந்துள்ளது. ஒவ்வொரு உறுப்பு அமைப்பையும் உள்ளடக்கிய 80 வகையான விளைவுகள் அளவிடப்பட்டதில், 65 சதவீதம் இரண்டு ஆண்டுகளுக்குப் பிறகு உயர்ந்த ஆபத்தில் உள்ளன.

கட்டுரை ஆசிரியர்கள் இவ்வாறு முடிவு செய்கிறார்கள், “SARS-CoV-2 தொற்றுநோய் உள்ளவர்களில் நீண்டகால விளைவுகளின் ஆபத்தை குறைக்கக்கூடிய நடவடிக்கைகள் பொது சுகாதாரக் கொள்கையின் அடித்தளமாக இருக்க வேண்டும். … ஆரோக்கிய இழப்பின் சுமை மட்டுமல்லாமல், நோயாளிகளின் வாழ்க்கைத் தரத்தையும் பாதிக்கும், மேலும் ஆயுளில் சரிவை ஏற்படுத்தக்கூடும் மற்றும் தொழிலாளர் பங்கேற்பு, பொருளாதார உற்பத்தித்திறன் மற்றும் சமூக நல்வாழ்வை பாதிக்கக்கூடும் என்பது தெளிவாக உள்ளது.”

“எப்போதும் கோவிட்” என்ற கொள்கையின் கொடூரமான யதார்த்தங்கள் உலகளவில் மக்களுக்கு தெளிவாகத் தெரிய ஆரம்பிக்கின்றன, நூற்றுக்கணக்கான மில்லியன் மக்கள் மற்றும் அவர்களது குடும்பங்கள் ஆரோக்கியம் குறித்த விளைவுகள் மற்றும் நோய்களை எதிர்கொள்கின்றன, அவை அவர்களின் ஆயுளை குறைப்பது மட்டுமல்லாமல், அவர்களுக்கு வழங்கப்பட்ட ஆண்டுகளை மோசமாக்குகின்றன. ஒவ்வொரு புதிய தொற்றுநோய் அலையுடனும் அவர்களின் எண்ணிக்கை அதிகரிக்கும்.

மிகவும் மாறுபட்ட பிரோலா மாறுபாட்டின் தோற்றம் SARS-CoV-2 வைரஸ் தொடர்ந்து பிறழ்வதற்கு மிகவும் வலுப்பெற்றதாக உள்ளது என்பதை நிரூபிக்கிறது. இந்த வைரஸ் கிட்டத்தட்ட 8 பில்லியன் மனிதர்களுக்குள் மூன்று ஆண்டுகளில் அசாதாரணமாக பரவியது என்பது, தொற்றுநோய் ஆரம்பத்தில் பெரும்பாலானோர் கற்பனை செய்ததை விட அதிக அளவு மூச்செடுக்கும் இடத்தை கொண்டதாக உள்ளது என்பதை கோடிட்டு காட்டுகிறது.

அடிப்படையில், வைரஸ் என்பது உணர்வு இல்லாத ஒரு உயிரினம் மட்டுமே. வரலாற்றில் இந்த கால கட்டத்தில் அது பரிணாம வளர்ச்சியடைந்திருந்தால், தொழிலாள வர்க்கத்தின் நல்வாழ்வை விட இலாபங்கள் எப்போதும் முன்னுரிமையாக இருக்கும் என்று வலியுறுத்தும் முதலாளித்துவ உறவுகளின் செயல்பாடாகும்.

பொது சுகாதாரத்தை கைவிடுதல் மற்றும் அரசாங்கங்களுக்கும் அவற்றின் மக்களுக்கும் இடையேயான சமூக ஒப்பந்தத்தை கைவிடுவது, முதலாளித்துவத்தின் மரண வேதனையின் இறுதி கட்டத்திற்கு ஏற்ப உள்ளது. இந்த நோயுற்ற மற்றும் இறக்கும் சமூக அமைப்பு ஒரு திட்டமிட்ட உலக சோசலிசப் பொருளாதாரத்தினால் மாற்றப்பட வேண்டும், இதில் சமூகத் தேவைகள் மற்றும் பொது சுகாதாரம் என்பன ஒரு சிறிய நிதிய தன்னலக்குழுவின் இலாப நலன்களை விட முன்னுரிமை பெறுகின்றன.