மொழிபெயர்ப்பின் மூலக் கட்டுரையை இங்கே காணலாம்.

பிரித்தானியாவின் பழமைவாத (டோரி) அரசாங்கத்தின் வேலைநிறுத்த எதிர்ப்பு குறைந்தபட்ச சேவை நிலைகள் மசோதா (anti-strike Minimum Service Levels Bill) திங்கள்கிழமை மாலை சட்டமாக மாறுவதற்கான அடுத்தகட்ட படியை எடுத்து வைத்துள்ளது. இது வேலைநிறுத்தத்தின் போது வேலைசெய்ய இங்கிலாந்து தொழிலாளர்களை கட்டாயப்படுத்துவதுடன், அவர்களின் உழைப்பைத் திரும்பப் பெறுவதற்கான அடிப்படை உரிமையை மறுப்பதோடு, தொழில்துறை நடவடிக்கையையும் நாசப்படுத்துகிறது.

தற்போது இரயில், தீயணைப்பு, சுகாதாரம் மற்றும் கல்வித் துறைகளை இலக்காகக் கொண்டு, ஐந்தில் ஒருவரைப் பாதிக்கும் வகையில், இந்தச் சட்டம் தொழிலாளர்களின் பரந்த பகுதிகளை உள்ளடக்கும் வகையில் நீட்டிக்கப்படுகிறது.

பெரும்பான்மையான பழமைவாதிகள் இந்த வேலைநிறுத்த எதிர்ப்பு மசோதாவை பாராளுமன்றத்தில் முன்வைக்கின்றனர். ஆனால், எந்த ஒரு ஒழுங்கமைக்கப்பட்ட எதிர்ப்பும் இல்லாததால் அது சட்டமாக, சுமூகமாக நிறைவேற்றப்படுவது உறுதிசெய்யப்படுகிறது. வாக்கெடுப்பின் போது பாராளுமன்ற சதுக்கத்தில் தொழிற்சங்க காங்கிரஸ் (TUC) ஏற்பாடு செய்திருந்த ஆர்ப்பாட்டம் இதனை அடிக்கோடிட்டுக் காட்டுகிறது.

TUC தொழிற்சங்கம் வேண்டுமென்றே இந்த விவகாரத்தை முடக்கியதோடு, வெறும் 600 பேர்களே ஆர்ப்பாட்டத்தில் ஈடுபட்டதாக மதிப்பீடுகள் தெரிவிக்கின்றன. TUC மோசமான இந்த எதிர்ப்பை மன்னித்ததோடு, இந்த நிகழ்வை 'அவசரமாக' ஏற்பாடு செய்யப்பட்ட போராட்டம் என்று விவரித்தது. ஆனால், வேலைநிறுத்தச் சட்டம் பல மாதங்களாக நாடாளுமன்றத்தில் நடைமுறைப்படுத்தப்பட்டு வருகிறது. 

TUC தொழிற்சங்கம், உத்தியோகபூர்வமாக 5.5 மில்லியன் தொழிலாளர்களை பிரதிநிதித்துவப்படுத்துகிறது. ஒரு பெரிய அணிதிரட்டலை மேற்கொள்ள போதுமான வாய்ப்பும், மேலும் வார இறுதியில் ஒரு பெரிய ஆர்ப்பாட்டத்தை ஏற்பாடு செய்து அறிவிக்க போதுமான காலமும் இருந்தது.

TUC அவ்வாறு செய்ய மறுப்பது, சட்டத்தின் கருத்தாக்கத்திலிருந்து தொழிற்சங்க அதிகாரத்துவத்தின் அடக்கமான பதிலுடன் ஒத்துப்போகிறது என்பதை குறிக்கிறது. சில ஆயிரம் பேர் கொண்ட ஒரு சிறிய ஆர்ப்பாட்டம் கடந்த ஜனவரியில் லண்டன் டவுனிங் தெருவுக்கு வெளியே நடந்தது.  அரசாங்கம், அரசியல் வேலைநிறுத்தம் என்று குற்றம் சாட்டப்படக்கூடிய எதையும் தவிர்க்கும் அதேவேளை, ஏற்கனவே செயலில் உள்ள தொழில்துறை தகராறுகள் பிப்ரவரி 1 அன்று எதிர்ப்பை வெளிப்படுத்தும் வகையில் வடிவமைக்கப்பட்ட மசோதாவுக்கு எதிராக TUC எதிர்ப்பு தினத்துடன் இது ஒத்துப்போகின்றன. திங்கட்கிழமை வரை TUC எதுவும் செய்யவில்லை.

TUC மற்றும் அதனுடன் இணைந்த தொழிற்சங்கங்கள் இந்த சட்டத்தை தோற்கடிக்க ஒரு வெகுஜன இயக்கத்தை விரும்பவில்லை. அதற்கு பதிலாக இவை, சிவில் உரிமைகள் குழுக்கள், பிரபுக்கள், பழைமைவாதிகள், தொழிற்கட்சி, ஸ்கொட்லாந்து தேசியக் கட்சி மற்றும் தாராளவாத ஜனநாயகவாதிகளுடன் இணைந்து இந்த சட்டத்தை திருத்துவதற்கு வாக்களிக்குமாறு அழைப்பு விடுத்துள்ளன. அதேவேளை, எதிர்கால தொழிற்கட்சி அரசாங்கம் இதை ரத்து செய்வதாக உறுதியளித்துள்ளது.

ஆழ்ந்த சமூக மற்றும் பொருளாதார நெருக்கடியின் போது வேலைநிறுத்தம் செய்யும் உரிமை போன்ற ஒரு அடிப்படைப் பிரச்சினையில் ஒரு வெகுஜன இயக்கம், பெருவணிகத்தை அச்சுறுத்துகிறது. காட்டுமிராண்டித்தனமான சிக்கனத் திணிப்பு மற்றும் உக்ரேனில் ரஷ்யாவுடனான நேட்டோவின் நடைமுறைப் போரில் இங்கிலாந்தின் முக்கிய பங்கு என்பன, வர்க்கப் போராட்டத்தை முறியடிக்கும் நிலைக்குத் தள்ளும் தொழிற்சங்கங்களின் திறனை இது சோதிக்கிறது.

டோரிகளின் தீவிர-மோதல் அணுகுமுறையால் வருத்தமடைந்த முதலாளி-தொழிற்சங்க கூட்டாண்மையை மீண்டும் நிலைநிறுத்துவதையே தொழிற்சங்க அதிகாரத்துவம் தொழிற்கட்சியிடம் இருந்து விரும்புகிறது. இது, தொழிலாள வர்க்கத்தில் ஒரு கட்டுப்பாடற்ற இயக்கத்தைத் தூண்டிவிடுமோ என்று அவர்களை பீதியடைய வைக்கிறது.

திங்கட்கிழமை ஆர்ப்பாட்டத்தைத் தொடங்கி, TUC பொதுச் செயலாளர் போல் நோவாக், 'தொழிலாளர் மற்றும் பிற எதிர்க் கட்சிகளிடம் இருந்து உறுதிமொழி வேண்டும்: நாங்கள் ஆட்சி மாற்றம் ஏற்பட்டவுடன், இந்தச் சட்டத்தை ரத்து செய்வோம்.' டோரி அரசாங்கம் 'உழைக்கும் மக்களுக்கு ஒரு புதிய ஒப்பந்தத்தை வழங்கவில்லை என்றால், நாங்கள் அவர்களை, தேர்தலில் விலையைச் செலுத்தச் செய்வோம்' என்று கூறிய அவர், 'முழு மகிழ்ச்சியுடன்' தொழிற்கட்சி எம்.பி. ஜோ ஸ்டீவன்ஸை இந்த எதிர்ப்பு கூட்டத்தில் பேச அறிமுகப்படுத்தினார்.

ரயில், கப்பல் மற்றும் போக்குவரத்து தொழிற்சங்கத் தலைவரான மிக் லிஞ்ச், நெட்வொர்க் ரெயிலுக்கு எதிரான வேலைநிறுத்தத்தை விற்றுத்தள்ளி, ரயில் இயக்க நிறுவனங்களின் தகராறில் அதையே செய்ய முயற்சித்து, பல்லாயிரக்கணக்கான பார்வையாளர்களுக்கு மத்தியில் 'போதும் போதும்' என்று முன்னர் வலியுறுத்தி பேசினார்.   தற்போது, கூடியிருந்த சில நூறு பேரிடம் அவரும் TUC யும் “திரு ஸ்டார்மர் மற்றும் தொழிற் கட்சியை சேர்ந்தவர்களே, இந்த சட்டத்திற்கு எதிராக வாக்களியுங்கள்... இந்த மசோதாவை நீங்கள் கடுமையாக எதிர்க்க வேண்டும் என்பது மட்டும் அல்ல, அது ரத்து செய்யப்பட வேண்டும், மேலும் இந்த விவாதத்தின் போது தொழிற்கட்சி அரசாங்கம் தேர்ந்தெடுக்கப்பட்ட 100 நாட்களுக்குள்[!] முழுமையாக ரத்து செய்யப்படும் என்பதை நீங்கள் பதிவு செய்ய வேண்டும்' என்று கூறினார்.

நோவாக் மற்றும் லிஞ்ச் தொழிலாளர்களை 'மேலும் செல்ல' மற்றும் தொழிலாளர்களுக்கான 'உரிமைகள் மசோதாவை' செயல்படுத்துமாறு வேண்டுகோள் விடுத்தனர், லிஞ்ச் 'நான்கு தசாப்தகால தொழிற்சங்க எதிர்ப்பு சட்டங்களை திரும்பப் பெற வேண்டும்' என்று கோரினார்.

இதே கெய்ர் ஸ்டார்மர் மற்றும் இதே தொழிற்கட்சியின் எம்.பி.க்கள் தொழிலாளர்கள் மறியல் போராட்டத்தில் ஈடுபடுவதைத் முன்பு தடைசெய்தனர். மற்றும் நேட்டோவை விமர்சிக்கும் எவரையும் வெளியேற்றுவதாக அச்சுறுத்திய இதே தொழிற் கட்சியைப் பற்றி கேள்விப்பட்டால், எந்த தொழிலாளர்களும் ஆச்சரியப்படுவார்கள்.  பிரித்தானியாவின் சமீபத்திய வரலாற்றில் மிக மோசமான ஜனநாயக விரோத தாக்குதல்களில் ஈடுபட்ட தொழிற்கட்சியை ஊக்குவிப்பதற்காக, தொழிலாள வர்க்கத்தின் நிரூபிக்கப்பட்ட இந்த எதிரி மீது, தவறான நம்பிக்கையை உருவாக்க இந்த பேச்சாளர்கள் தீவிரமாக முயற்சித்தனர்.

தேசிய கல்வி சங்க தலைவர் கெவின் கோர்ட்னி, ''எப்படி எதிர்த்துப் போராடுவது?'' என்ற கேள்விக்கு பின்வருமாறு பதிலளித்தார்: 'சரி, நான் இதை ஒரு தொழிற்சங்க மேடையில் சொல்வேன் என்று நான் நினைக்கவில்லை, ஆனால், இது பாராளுமன்றத்துக்கு  நல்லது. அவர்கள் சில திருத்தங்களை நிறைவேற்றினர்... உங்களுக்கு ஆண்டவனை தெரிந்தால், அவரிடம் பேசுங்கள், அதை மீண்டும் நிராகரிக்கும்படி அவரிடம் கேளுங்கள். உங்களுக்குத் தெரிந்த ஒரு நாடாளுமன்ற உறுப்பினர் இருந்தால், அவரைத் தொடர்பு கொள்ளுங்கள், TUC இணையதளத்தில் ஏராளமான கடிதங்கள் உள்ளன, அவற்றை நீங்கள் பயன்படுத்துங்கள்’’ என்று கூறினார்.

பாராளுமன்றத்துக்கு உள்ளே, எந்தவொரு தொழிற்கட்சி எம்.பி.க்களும் விவாதத்திற்கு வரவில்லை, 13 பேர் மட்டுமே பேசினர். பிரபுக்கள் சபையிலிருந்து பல்வேறு சட்ட திருத்தங்கள் தோற்கடிக்கப்பட்டன. அவ்வாறு செய்தவர்கள், தொழிற்சங்கங்கள் மற்றும் முதலாளிகளின் எதிர்ப்பை மேற்கோள் காட்டி, சட்டத்தின் தேவையற்ற மற்றும் எரிச்சலூட்டும் தன்மைக்கு தங்கள் எதிர்ப்பைத் தெரிவித்தனர்.

இந்த சட்டம் 'தொழில்துறை உறவுகளின் அடிப்படையில் விஷயங்களை கணிசமாக மோசமாக்கும்' என்று மைக் அமெஸ்பரி கவலைப்பட்டார். ரேச்சல் மாஸ்கெல் 'இது விஷயங்களை மிகவும் கடினமாக்கக்கூடும்... அமைச்சர் ஏன் தொழிற்சங்கங்களுக்கு மட்டும் அல்ல, முதலாளிகளுக்கு எதிராகப் போகிறார்?' என்று கேள்வி எழுப்பினார்.

சாம் டாரி, இந்த மசோதாவை ''எதிர்விளைவு'' என்று அழைத்தார். ஏனெனில், ''குறைந்தபட்ச சேவை நிலைகள் மசோதா, அதிக வேலைநிறுத்தங்கள் மற்றும் வேலைநிறுத்தம் அல்லாத தொழில்துறை நடவடிக்கைகளுக்கு வழிவகுக்கும் என்று அரசாங்கத்தின் சொந்த பகுப்பாய்வு கூறுகிறது'' என்று குறிப்பிட்டார். குறிப்பாக, தொழிற்சங்க அதிகாரத்துவத்தின் செல்வாக்கிற்கு வெளியே தொழிலாளர்களின் தீடீர் வேலை நிறுத்த நடவடிக்கைக்கு வழிவகுக்கும் என்பதாகும்.

தொழிற் கட்சியின் துணைத் தலைவர் ஏஞ்சலா ரெய்னர், இந்த சட்டத்தின் மதிப்புமிக்க விமர்சகர்களின் பட்டியலில், 'ரயில்வே தொழில்துறை பணியாளர் மற்றும் மேம்பாட்டு பட்டய நிறுவனம், ஆட்சேர்ப்பு நிறுவனங்களின் கூட்டமைப்பின் தலைமை நிர்வாக அதிகாரி, தேசிய சுகாதார சேவை கூட்டமைப்பின் தலைமை நிர்வாக அதிகாரி, ஜனாதிபதி பைடனின் தொழிற்துறை செயலாளர், சர்வதேச தொழிலாளர் அமைப்பு, அனைத்து இங்கிலாந்து தொழிற்சங்கங்கள், TUC, வேல்ஸ் மற்றும் ஸ்கொட்லாந்து அரசாங்கங்கள்” மற்றும் டோரி பாராளுமன்ற உறுப்பினர்கள் ஸ்டீபன் மெக்பார்ட்லேண்ட் மற்றும் ஜேக்கப் ரீஸ்-மோக்! ஆகியோரை சேர்த்துக் கொண்டார்.

இந்த சட்டத்தை ரத்து செய்வதாக தொழிற்கட்சியின் உறுதிமொழிகள் பயனற்றவை ஆகும். முன்னாள் பிரதம மந்திரி பிளேயர் மற்றும் பிரவுன் அரசாங்கங்கள் ஸ்டார்மர் மற்றும் அவரது முன் வரிசையில் பதவியில் இருந்தவர்கள் அனைத்து தொழிற்சங்க எதிர்ப்பு சட்டங்களையும் தங்கள் பதவிக் காலத்தில் வைத்திருந்தனர். எந்தவொரு தொழிற்கட்சி ஸ்டார்மர் அரசாங்கமும், ஐரோப்பிய மண்ணில் வெடித்தெழும் பொருளாதார நெருக்கடி மற்றும் போரின் நிலைமைகளின் கீழ் இன்னும் வெளிப்படையாக, பெருநிறுவன சார்பு, தொழிலாளர் விரோத நிகழ்ச்சி நிரலைத் திணிக்கும் பணியை மேற்கொள்ளும்.

அதே போலத்தான் இந்த சட்டம் அமுலுக்கு வந்தவுடன்  தொழிற்சங்கத் தலைவர்கள் ‘’கீழ்படியாமை மற்றும் சட்டத்தை மீறிச் செயல்படுவது’’பற்றி பேசுகிறார்கள். 'நாங்கள் இந்த சட்டத்தை சவால் செய்வோம்' என்று உறுதியளித்த  லிஞ்ச், TUC ஐ 'அதே நிலைப்பாட்டை எடுத்து உறுதிசெய்ய' அழைப்பு விடுத்தார். அதே நேரம், “இந்தச் சட்டத்தை நீங்கள் சட்டமாக எழுதலாம், ஆனால் நாங்கள் ஒதுங்கி இருக்க மாட்டோம், வேலைநிறுத்தம் செய்வதற்கான உரிமையைப் பயன்படுத்துவதற்காக ஒரு செவிலியரையும், ஒரு மருத்துவரையும் பணிநீக்கம் செய்ய அனுமதிக்க மாட்டோம்’’ என்று நோவாக் கூறினார்.

ஆனால் தொழிற்சங்க அதிகாரத்துவம் சட்டத்தை அடைவதற்கு முன்பு அதற்கு எதிராக எந்த தீவிரமான போராட்டமும் செய்யவில்லை என்றால், அது ஒருமுறை அதைச் செய்ய வேண்டும் என்று ஒருவர் ஏன் எதிர்பார்க்க வேண்டும்? கடந்த மாதங்களில் தொழிற்சங்கத் தலைவர்கள் இங்கிலாந்தின் வாழ்க்கைச் செலவு வேலைநிறுத்த அலையினை, சவப்பெட்டிக்குள் வைத்து ஆணிகளை அடித்துள்ளனர். அத்துடன், நூறாயிரக்கணக்கான தொழிலாளர்களின் போராட்டங்களை விற்றுத் தள்ளிய நிலையில், மேலும் நூறாயிரக்கணக்கானோர் தொழிற்சங்கத் தலைவர்களால் முடக்கப்பட்ட சர்ச்சைகளில் சிக்கித் தவிக்கின்றனர்.

பாராளுமன்ற தொழிற் கட்சியில் இருந்து வெளியேற்றப்பட்ட முன்னாள் தொழிற்கட்சித் தலைவர் ஜெர்மி கோர்பின், இந்த விவாதத்தில் பேசவில்லை, ஆனால் லேபர் அவுட்லுக்கின் ஒரு பத்தியில், ஸ்டார்மர் மற்றும் பலர் மேற்கொண்டிருக்கும் துரோகங்களை எதிர்த்துப் போராடப் போவதில்லை என்று தெளிவுபடுத்தினார். ஜனநாயக உரிமைகளைப் பாதுகாக்க அனைத்துக் கட்சிகளைச் சேர்ந்த எனது சகாக்களையும் அவர் பணிவுடன் கேட்டுக் கொண்டார், மேலும் ‘‘இன்றைய கொந்தளிப்பான நிலப்பரப்பு மற்றும் சமூக முறிவுகளைக் குணப்படுத்தும் வகையில் நமது பணியிடங்கள் மற்றும் சமூகங்களில் செல்வத்தையும் அதிகாரத்தையும் மறுபங்கீடு செய்யும் ஒரு பார்வையை முன்வைத்து 'தொழிலாளர் இயக்கம்' மீண்டும் நம்பிக்கையுடன் போராட வேண்டும்’’ என்று கேட்டுக் கொண்டார். 

பழமைவாதிகளின் வேலைநிறுத்த மசோதாவால் முன்வைக்கப்படும் அச்சுறுத்தலுக்கு எதிராக தொழிலாள வர்க்கத்தின் பாரிய அணிதிரட்டல் தேவைப்படுகிறது, இது அரசாங்கத்தை தூக்கி எறியவும், இந்த மசோதாவை ஒழிக்கவும் மற்றும் எல்லாவற்றிற்கும் மேலாக தொழிலாளர்கள் நலன்களுக்காகப் போராடுவதற்கு ஒரு உண்மையான சோசலிசக் கட்சியை உருவாக்குவதற்கு உத்வேகம் அளிக்கவும் தொழிற்சங்க எந்திரத்திலிருந்து சுயாதீனமாக ஒழுங்கமைக்கப்பட தொழிலாள வர்க்கத்தை பெருமளவில் அணிதிரட்டுவது அவசியமாகும்.